Skip to main content
Kies je taal:
Aki mei aña Kelly i Karim ke ta na estado
Aki mei aña Kelly i Karim ke un yu
1. Aki mei aña Kelly i Karim ke ta na estado.

Kelly i Karim ke sali na estado.
Nan ta deseá pa aweró nan yu ta salú.
Ta p'esei ta importante ku awor nan mes ta kuminsá biba salú promé.
Nan no ta warda te ora nan sali na estado pero ta wak kiko nan por hasi awor.

Si boso ke sali na estado, papia promé ku boso dòkter òf partera.
Esei ta masha importante.

Un partera ta un hende ku ta yuda durante embaraso i parto.
E sa tambe kiko bo por hasi si aki par di luna boso ke sali na estado.

Puntra amigu, bisiña òf konosínan si nan sa di un bon partera den bisendario.
Traha un sita mesora.

Bo ke sa kiko bo por hasi pa sali na estado mas salú posibel?
Awèl lesa e foyeto akí.
Kelly ta guli foliumzuur tur dia.
2. Kelly ta guli foliumzuur tur dia.

Pa kresementu di e yuchi den barika ta bon si Kelly bebe un vitamina spesial.
E vitamina ei yama foliumzuur.

Sin foliumzuur e yuchi tin mas chèns pa haña un desabilidat serio.
Ta p'esei ta masha importante pa Kelly bebe foliumzuur!

Bo ta kumpra foliumzuur na tienda òf botika. Bo no tin nodi di resèpt di dòkter. Un pòchi òf un kahita ta kosta masoménos tres euro. Bo mester bebe un tablèt pa dia.

Ta importante pa kuminsá bebe e tablètnan di foliumzuur promé ku bo sali na estado.

Bo ta stòp di bebe foliumzuur ora bo ta 10 siman na estado.
Kelly i Karim ta stòp ku humamentu, ku droga i alkohòl.
3. Kelly i Karim ta stòp ku humamentu, ku droga i alkohòl.

Aworaki ainda Kelly i Karim no ta na estado. Pero tòg ta importante pa nan kuminsá biba salú for di awor kaba.

Kelly mester biba salú. I Karim tambe mester biba salú.

Humamentu no ta salú. Ta importante pa stòp di huma.

Alkohòl tampoko no ta salú. Ke men di bo no por bebe serbes, biña òf otro tipo di alkohòl mas.

Alkohòl i sigaria por okashoná problema pa sali na estado.

Humamentu di mariwana i otro droga tambe ta malu pa bo kurpa.
I malu pa e yuchi krese den bo barika.

Ta bon pa stòp ku humamentu, bebementu, i droga. Dòkter por yuda boso ku esei.

Si boso biba salú e yuchi por krese bon aweró. Promé den barika di e mama.
I despues di nasementu tambe.
Kelly i Karim ta kome salú i ta move tur dia.
4. Kelly i Karim ta kome salú i ta move tur dia.

Komementu i bebementu

Kelly i Karim ta kome hopi bèrdura i fruta. Nan ta laba nan bon promé. Nan ta kome pan brùin i yògùrt tambe i nan ta bebe lechi òf kalmèki. Semper nan ta hasa nan piská i karni bon hasá!

Peso
Kelly i Karim no ta gordo ni nan no ta flaku tampoko.
Nan tin un peso salú. Esaki ta importante si bo ke sali na estado.

Ta masha bon pa kana 30 minüt tur dia, kore baiskel òf praktiká deporte.

Bo ta muchu gordo aworaki?
E ora ei ta bon pa bo baha di peso promé ku bo sali na estado.

Bo ta muchu flaku aworaki?
E ora ei ta bon pa bo yena un tiki promé ku bo sali na estado.

Puntra bo dòkter kon bo por hasi esei.
Kelly i Karim ta pidi dòkter konseho tokante remedi.
5. Kelly i Karim ta pidi dòkter konseho tokante remedi.

Kelly tin un malesa pa basta tempu kaba.Ta p'esei e ta bebe remedi.
E no ta sigur si ta bon òf malu pa guli e remedinan si e ke sali na estado.

E ta bai dòkter i e ta bai ku su remedinan.
Dòkter ta wak si su remedinan ta forma un problema pa sali na estado.

Kisas boso tambe ta bebe remedi: na tablèt òf un bebida.
Di dòkter, di botika òf di un tienda.

Tin biaha bo mester di e remedinan ei. Bo por pidi bo dòkter pa kosehá bo.
Bisa bo dòkter ku bo ke sali na estado. Puntra kiko bo por hasi ku bo remedinan.
Tin biaha e embaraso no ta bai bon.
6. Tin biaha e embaraso no ta bai bon.

Kelly i Karim tabata na estado dos biaha kaba. Esei no a bai bon. Ta p'esei nan ta tristu.

Nan no ke esei un biaha mas. Nan ta pidi nan dòkter pa konsehá nan.

Boso tambe tabatin problema pa sali na estado?
Bai papia e ora ei ku bo dòkter òf partera.
Ki peliger tin na trabou?
7. Ki peliger tin na trabou?

Kelly i Karim tur dos ta traha. Kelly ta traha na un laboratorio i Karim ta traha den konstrukshon.

Sierto kos na trabou por ta peligroso si boso ke sali na estado òf boso ta na estado kaba.

Por ehèmpel materia kímiko. Bo no por mira materia kímiko. Tin biaha tin kos kímiko den fèrf. Of den produkto di limpiesa.
Bo no sa presis ta ki materia kímiko tin na bo trabou.

Papia di esei ku e dòkter di trabou òf ku e partera.
Malesa den famia
8. Malesa den famia

Kelly i Karim ta puntra nan famia si tin enfermedat den famia.

Tin biaha mucha ta haña e mes enfermedat ku nan mayor. Of manera nan tanta, tio, tawela òf wela.
E malesa ei nos ta yama un malesa hereditario.
Por ehèmpel un desabilidat serka un yu ku a nase promé, òf serka un hende den famia.

Tin biaha sanger abou tambe ta hereditario. Ora bo tin sanger abou hopi biaha bo tin muchu tiki heru den bo sanger.

Kisas bo yuchi tambe lo por haña e malesa akí.

Beibinan por nase morto tambe debí na un enfermedat hereditario.

Papia ku bo dòkter tokante esaki.
Bisa bo dòkter ki malesa tin den bo famia.
Kuidou ku rodehond!
9. Kuidou ku rodehond!

Kelly i Karim ta paga tinu pa nan no haña e malesa yamá rodehond.

Rodehond ta un enfermedat. E yuchi riba e plachi den buki ta malu pasó e tin rodehond.

Bai dòkter i puntra si ántes nan a pasa bo angua kontra rodehond.

Si bo sa ku un hende tin rodehond no bai bishit'é e ora ei.

Bai dòkter mesora si bo :
-temperatura ta haltu.
-saka mancha òf blar chikí na bo kurpa.
Esta bon no! Kelly i Karim ta na estado!
10. Esta bon no! Kelly i Karim ta na estado!

Kelly i Karim ta masha kontentu ku nan tin un luna kaba na estado.
Nan ta traha mesora un sita ku dòkter i partera.

Ora boso ta na estado ta importante pa papia ku dòkter òf ku partera.
Boso por hasi un sita ku e partera den boso bario.

E partera ta yuda durante embaraso i parto. E ta kontrolá kresementu di e yuchi ku no a nase ainda i tambe kresementu di kurpa di e muhé.
E ta wak si e preshon di sanger ta bon.
E ta kontrolá kurason di e yuchi tambe i ta wak kon e yuchi ta drumí den e barika.

Bo ke sali na estado òf bo ta na estado kaba?
Traha un sita mesora ku partera òf dòkter.